احمد الهمامى شاعر العاميه يبدع فى الرباعيات
90 مليون مواطن مصري في الحضــر والريف مستنيين
إشاره لجل مايخوضوا المعركه ويعبروا ويحرروا فلسطين
مش معـــــــــــــــــــــــنى الكـــــــلام دا إننا بنـــــدُق الطـبول
إنما مــــــــــــــــعناه ياللـــي بتقروا التاريخ إننـــــا جاهزين
وآه
بين السطور أنا ساطر كلام زي الساطـور
دبح الورق والحبر جاب دم شفت الغـرور
لو كل واحد خط على الورق وسابه يتكلم
مش كان زمنا والنبي عدينا أعلاها ســور
وآه
أنا الـــــذي واقف ومستني في طـــابــور
وبقـــالي 41 عــــــام و 4 شهـــــــــور
واـــقف وحيد بلا أمل بلا عمل بلا زوجه
وكبـــــرت وزهقت وطهقت ونفسـي أثور
وآه
الوز نـــــــط قـام البط يتخانق يتشــــــال يتحـــط
بطـــــــه تزعق ووزه تصرخ وقالوا نعمل خـــط
معــــــقوله فــــيه حدود للميه والهوا والطـــــير
ملـــــعون الــلي علمهم كده وملا قلوبهم سـخط
وآه
كان ياما كان في سالف العصـــــــر والأوان
عبد اسود وصوته شجي بينبه الناس بالأدان
وكـــل يـــــــــــوم بعلو حســـه يقول: الله أكبر
الله أكــــــبر بلال العبد بقى حـر ورجع إنسان
وآه
قال إيه وعمــلولنا كادر
وامتحان وأستر يا قادر
هـو احنا أســــــاتذه ولا
معـلمين بنبيع في شادر
وآه
* * *
أنا نـــــوبي مصــــري وشريك في البــــلد دي
بلد أبـــويا وأخـــــــــويا وأمي وجدي وولـــدي
أوقــات بحس إني غريب في وسطيكم ومنسي
مع إن مــطالبي ما بتـــــــعديش الحــــدود دي
وآه
إلبس مـــرقع وحط زماره في بقـــــك
فرفش وهــيص وخلي بلياتشو يزقـك
واللي يقـــــــــــــول عليـــــــــك جنيت
قوله يا عـــــــــــم م التكشير فكـــــك
وآه
مسـجون ولكن جـــــــوه مني
محبوس كلامي وعايش كأني
أخرس وأنا اللي دايمـــاًَ بغني
لكـن بلا جـــمهور بيحيي فـني
وآه
بنام وأقـــوم أفتــــــــــــــــــكر كـــــل كوابيسي
أضحك عليها والا أبكـي والا أكمل في تتييسي
يا دنيــــا ليــــه صــــــــــــــــعبه عليا الحيـــــاه
وانتي ولا بتعـــدلي ولا بالــــــمــيزان بتـقيسي
وآه
لولا النعيم في الآخــره مـــــــش ع الأرض
والابتــلا في الدنيا مــــــكتوب على كـل فرد
أنا كنــــت دعـــــــــــــــــيت ربنــــــا بالخلود
ولا كنــــت صليت فرض ولا صونت عرض
وآه
ياللي إنـت اســــــــــمك بيبتدي بالـ (ع)
أنا بحبك لــــجل ما أنت حـــــلو و ( ز )
وإن كـــان صـــــــــــــعيب علـــيا البوح
جوابـي دلك عالــــــلي في قلبي يـا (ع)
وآه
ياللي بتبـــحث عن أي شيء حلو وجمــــيل
دي الدنيا ملــــيانه وعندي ليك مليـون دليل
الصحه والستر والأهل والصـحبه والحريه
وبنــت زي القمـــر ضحكــــتها تشفي العليل
وآه
* * *
10 سنيـــن وأنا قاعده علـــــى دا الحـــال
عــــاجزه و مريضه سبحان مغير الأحــوال
مين كــــان يصـــــــــــدق إني أقـــــــول الآه
ومين كــان يقول إن الســـعاده مش بالمـال
وآه